மத்திய கேபினட் அமைச்சர்கள் ஜோஷி, அஜய் மக்கான் ஆகிய இருவரும் சனிக்கிழமை (15/06/2013) இரவு தங்களது ராஜினாமா கடிதங்களை ஒப்படைத்தனர். இவர்களது ராஜினாமாவை ஜனாதிபதி பிரணாப் முகர்ஜி ஏற்றுக் கொண்டதாக ஜனாதிபதி மாளிகை செய்தி குறிப்பு தெரிவிக்கிறது. மேலும் மத்திய அமைச்சரவை திங்கட் கிழமை மாலையில் மாற்றியமைக்கப்படுவதாகவும் ஜனாதிபதி மாளிகை அதிகாரி தெரிவித்தார். கட்சி மேலிடத்தின் உத்தரவை ஏற்று சி.பி. ஜோஷி தனது பதவியை ராஜினாமா செய்தார். இவர் தரைவழி போக்குவரத்து மற்றும் ரயில்வே ஆகிய இரண்டு இலாக்காக்களை தன்வசம் வைத்திருந்தார்.
அஜய் மக்கான் வீட்டு வசதி மற்றும் நகர்ப்புற வறுமை ஒழிப்பு துறை அமைச்சராக இருந்தார். கட்சிக்காக பணியாற்ற தாம் விரும்புவதாகவும் அவர் தெரிவித்தார்.
மத்திய அமைச்சரவை நாளை மாற்றியமைக்கப்படுகிறது. கடந்த ஆண்டு அக்டோபர் மாதம் 2 வது முறையாக மத்திய அமைச்சரவை மாற்றியமைக்கப்பட்டது. இந்த முறை பிரதமர் மன்மோகன்சிங் இந்த வாய்ப்பை பயன்படுத்தி பல காலியிடங்களை நிரப்புவார் என்று எதிர்பார்க்கப்படுகிறது. சமீபத்தில் ரயில்வே அமைச்சராக பவன்குமார் பன்சாலும், சட்ட அமைச்சராக இருந்த அஸ்வினி குமாரும் சில பிரச்சினைகளில் சிக்கி தங்கள் பதவிகளை ராஜினாமா செய்தனர். அதையடுத்து ஏற்பட்ட வெற்றி இடங்களை பிரதமர் மன்மோகன்சிங் நாளை நிரப்பவிருக்கிறார்.
இந்நிலையில் அஜய்மக்கான், ஜோஷி இருவரும் கட்சிப்பணிகளை மேற்கொள்ள உள்ளனர். அதோடு, அஜய்மக்கானுக்கு காங்கிரஸ் கட்சியின் செய்தித் தொடர்பாளர் பணியும் வழங்கப்பட உள்ளதாகவும் தெரியவருகிறது. மத்திய அமைச்சரவையில் ராகுல்காந்தியின் ஆலோசனைப்படி, பல புதிய முகங்களுக்கும் வாய்ப்பு கிடைக்கும் என்கிற தகவலும் வெளியாகியுள்ளது.
இதையும் படியுங்கள்
- மோடியின் அடுத்த கட்ட வியுகம்: பா.ஜ.க. வின் தொகுதிகள் முதல் குறி
- இங்கிலாந்து இளவரசர் வில்லியம்ஸ் உடலில் இந்திய மரபணு
- மொளச்சூர் கிராமத்தில் மின்சாரம் பாய்ந்து மூன்று பேர் பலி
- செயல்படாத பொறியியல் கல்லூரிகள்: அடையாளம் காண அண்ணா பல்கலைக்கழகத்துக்கு உயர்கல்வித் துறை உத்தரவு; 24 கல்லூரிகளில் நான்கு ஆண்டுகளில் ஒருவரும் தேர்ச்சி பெறவில்லை
- விஜய் தேர்தல் வழக்கு: குழந்தைகளிடம் கேட்டது ஊழல் நடைமுறை ஆகாது; சேலம் வடக்கு தேர்தல் மனுவை நிராகரிக்கும் நிலையில் உயர் நீதிமன்றம்
- அண்ணன் சீர் திட்டம்: மணப்பெண்களுக்கு 8 கிராம் தங்கக் காசு, பட்டுப் புடவை பெற ஆதார் கட்டாயம்; ரூ.812 கோடி ஒதுக்கீடு
- கவின் ஆணவக் கொலை வழக்கு: குற்றப்பத்திரிகை ரத்தை எதிர்த்து உச்ச நீதிமன்றத்தில் தமிழ்நாடு அரசு மேல்முறையீடு
← முந்தைய செய்தி: மொளச்சூர் கிராமத்தில் மின்சாரம் பாய்ந்து மூன்று பேர் பலி
அடுத்த செய்தி →: மோடியின் அடுத்த கட்ட வியுகம்: பா.ஜ.க. வின் தொகுதிகள் முதல் குறி
