Category: தமிழக சிறகுகள்

சென்னை: தமிழகத்தில் உள்ள சர்வதேச விமான நிலையங்களில் , சர்வதேச விமானங்களை தரையிறக்க, வெளிநாடுகளில் சிக்கித் தவிக்கும் இந்தியர்களை அழைத்து வர தேவையான அனுமதி வழங்க கோரி திராவிட முன்னேற்ற கழகம் (திமுக) சென்னை உயர்நீதிமன்றத்தில் மனுதாக்கல் செய்தது . மனு டாக்டர் நீதிபதி வினீத் கோத்தாரி மற்றும் நீதிபதி ஆர்.சுரேஷ் குமார் ஆகியோர் அடங்கிய அமர்வு முன் விசாரணைக்கு வந்தது. மனுவை விசாரித்த நீதிபதிகள் மத்திய மற்றும் மாநில அரசு பதில் அளிக்க நீதிபதிகள் உத்தரவிட்டனர். திமுக கட்சி சார்பாக மூத்த வழக்கறிஞர் ரிச்சர்ட்சன் வில்சன் ஆஜர் ஆனார். கூடுதல் சொலிசிட்டர் ஜெனரல் ஜி. ராஜகோபாலன் மத்திய அரசுக்கான அறிவிப்பை ஏற்றுக்கொண்டார், மற்றும் கூடுதல் அட்வகேட் ஜெனரல் எஸ்.ஆர்.ராஜகோபால் மற்றும் அரசு பிளீடர் வி. ஜெயபிரகாஷ் நாராயணன் ஆகியோர் மாநிலத்திற்கான அறிவிப்பை ஏற்றுக்கொண்டனர்.

சென்னை:கோவிட் 19 தொற்றை தடுக்க 144 தடை உத்தரவு தற்போது நடைமுறையில் உள்ளது. அரசு அத்தியாவசிய பொருட்களை விற்கவும், வாங்கவும் அனுமதி வழங்கப்பட்டுள்ளது. காவல்துறையினர் கடுமையாக நடந்து கொள்வதாக சென்னையை சேர்ந்த வழக்கறிஞர் எம்.எல்.ரவி என்பவர் சென்னை உயர்நீதிமன்றத்தில் பொது நல மனு தாக்கல் செய்தார். மனு நீதிபதிகள் வினித் கோத்தாரி மற்றும் சுரேஷ் குமார் அடங்கிய அமர்வு முன் விசாரணைக்கு வந்தது.இதுவரை காவல்துறையினர் எந்த ஒரு விதிமுறைகளையும் மீறவில்லை,மேலும் ஊரடங்கு உத்தரவை மீறியதாக 17 ஆயிரத்து 118 வழக்குகள் பதியபட்டுள்ளதாக அரசு தரப்பில் தெரிவிக்கப்பட்டது.வீடியோ அழைப்பு மூலம் மனுவை விசாரித்த நீதிபதிகள் வினித் கோத்தாரி மற்றும் சுரேஷ் குமார் அடங்கிய அமர்வு காவல்துறையினரின் நடவடிக்கையால் தனி மனிதனின் உரிமை எந்த விதத்திலும் பாதிக்ககூடாது என நீதிபதிகள் தெரிவித்தனர்.