Category: செய்தி சிறகுகள்

டெல்லி: இ-சிகரெட் தடை (உற்பத்தி, இறக்குமதி, ஏற்றுமதி, போக்குவரத்து, விற்பனை, விநியோகம், சேமிப்பு மற்றும் விளம்பரம்) மசோதா நாடாளுமன்றத்தில் நிறைவேறியது.மத்திய சுகாதார அமைச்சர் டாக்டர் ஹர்ஷ் வர்தன் அறிமுகப்படுத்திய மசோதாவில்,முதன்முறையாக சட்டத்தை மீறியதாகக் கண்டறியப்பட்ட நபர்கள் ஒரு வருடம் வரை சிறைத்தண்டனையோ அல்லது ஒரு லட்சம் ரூபாய் அபராதமோ அல்லது இரண்டையும் அனுபவிக்க நேரிடும். அடுத்தடுத்த குற்றங்களுக்கு, மூன்று ஆண்டுகள் வரை சிறைத்தண்டனையும், ரூ .5 லட்சம் வரை அபராதமும் விதிக்கப்படும்.இ-சிகரெட்டுகளை சேமித்து வைப்பதற்கு ஆறு மாதங்கள் வரை சிறைத்தண்டனை அல்லது ரூ .50,000 வரை அபராதம் அல்லது இரண்டையும் அனுபவிக்க நேரிடும்.

டெல்லி :ஒரு கற்பழிப்பு வழக்கை ரத்து செய்யக் கோரி டெல்லி உயர்நீதிமன்றத்தில் மனு தாக்கல் செய்யப்பட்டது.மனு நீதிபதி பிரிஜேஷ் சேத்தி முன் விசாரணைக்கு வந்தது.மனுவை விசாரித்த நீதிபதி பிரிஜேஷ் சேத்தி கற்பழிப்பு ஒரு பெண்ணின் உடலில் கடுமையான காயத்தை ஏற்படுத்துவதோடு மட்டுமல்லாமல், அவளுடைய மரியாதையை களங்கப்படுத்துவதாக கூறி வழக்கை ரத்து செய்ய முடியாது என்று தெரிவித்தார்.

சத்தீஸ்கர்:சத்தீஸ்கர் பொது சேவை ஆணையம் நடத்திய முதற்கட்ட தேர்வின் இறுதி முடிவுகளை சத்தீஸ்கர் உயர் நீதிமன்றம் வெள்ளிக்கிழமை ரத்து செய்தது. பத்து மனுதாரர்கள் வெவ்வேறு ரிட் மனுவை தாக்கல் செய்தனர்.நீதிபதி கவுதம் பாதுரி முன் விசாரணைக்கு வந்தது.பத்து மனுக்களை விசாரித்த நீதிபதி கவுதம் பாதுரி பரீட்சைக்கு வெளியிடப்பட்ட விடை விசையில் 100 கேள்விகளில் 41 பிழைகள் இருப்பதால் சிவில் நீதிபதி பதவிக்கான ஆரம்பத் தேர்வின் முடிவுகளை நீதிபதி ரத்து செய்தார்.

டெல்லி: அரசியலமைப்பின் 356 (3) வது பிரிவின் கீழ் மாநிலத்தில் ஜனாதிபதி ஆட்சியை ஆளுநர் பரிந்துரைத்தார்.பிரிவு 32 ன் கீழ் சிவசேனா உச்சநீதிமன்றத்தில் மனு தாக்கல் செய்தது. அந்த மனுவில் சிவசேனா பெரும்பான்மையை நிரூபிக்க ஆளுநர் மூன்று நாள் கால அவகாசம் வழங்க மறுத்ததாகவும் நவம்பர் 11 ம் தேதி ஆளுநர் எடுத்த முடிவை ரத்து செய்ய கோரி மனுவில் தெரிவிக்கப்பட்டுள்ளது.

டெல்லி: டெல்லியைச் சேர்ந்த வழக்கறிஞர் சவுரப்குமார் சிங் போலீசாரின் பாதுகாப்பைக்கோரி டெல்லி உயர்நீதிமன்றத்தில் மனுதாக்கல் செய்தார்.விவாகரத்து வழக்கில் ராம் நிவாஸ் எதிராக தாக்கல் செய்த வழக்கை திரும்ப பெற மிரட்டப்படுவதாக மனுவில் தெரிவித்துள்ளார்.மனுவை விசாரித்த நீதிபதி பிரிஜேஷ் சேத்தி மனுதாரர் வழக்கறிஞருக்கு எப்போது வேண்டுமானாலும் பாதுகாப்பு வழங்குமாறு நீதிபதி காவல்துறைக்கு உத்தரவிட்டார்.

டெல்லி : போலீஸ் ஆர்பாட்டம் நடத்த திட்டமிட்டது யார் என்பதை கண்டறிய உயர் மட்டக்குழுவை நியமிக்க கோரி இந்திய பார் கவுன்சில் ஒரு அறிக்கையை வெளியிட்டுள்ளது. ஒரு வாரத்திற்குள் திட்டமிட்ட காவல்துறை அதிகாரிகளை கைது செய்ய கவுன்சில் கோரியுள்ளது.இந்திய பார் கவுன்சில் வழக்கறிஞர்களை 10 நாட்களுக்கு பணிநீக்கம் செய்வதை நிறுத்தி மீண்டும் பணியைத் தொடங்குமாறு கோரியுள்ளது.

டெல்லி: டிஸ் ஹசாரி மோதல் விஷயத்தில் டெல்லி உயர்நீதிமன்றம் செவ்வாய்க்கிழமை அன்று இந்திய பார் கவுன்சில் ,டெல்லி உயர்நீதிமன்ற பார் அசோசியேஷன் மற்றும் அனைத்து மாவட்ட பேட் அசோசியேஷன்களுக்கும் நோட்டீஸ் அனுப்பியது.தலைமை நீதிபதி டி என் படேல் மற்றும் நீதிபதி சி.ஹரிஷங்கர் ஆகியோர் டிஸ் ஹசாரி சண்டை தொடர்பாக நீதி விசாரணைக்கு உத்தரவிட்டதோடு, வழக்கறிஞர்கள் மீது துப்பாக்கிச் சூடு மற்றும் தாக்குதல் நடத்திய காவல்துறை அதிகாரிகள் மீது நடவடிக்கை எடுக்க உத்தரவிட்டனர்.

டெல்லி:திஸ் ஹசாரி நீதிமன்றத்தில் டெல்லி போலீசாருக்கும் வழக்கறிஞர்களுக்கும் இடையே இன்று மோதல் ஏற்பட்டது. வாகனம் நிறுத்துதல் தொடர்பான வாக்குவாதத்தின் போது ஒரு போலீஸ்காரர் வழக்கறிஞரை நோக்கி துப்பாக்கியால் சுட்டதாகக் கூறப்படுகிறது.இந்த மோதலில் ஒரு வழக்கறிஞர் காயமடைந்து மருத்துவமனையில் அனுமதிக்கப்பட்டார். வளாகத்தில் காவல்துறையின் ஒரு வாகனம் கொளுத்தப்பட்டது.