பெங்களூரு: 2006 ஆம் ஆண்டில், மனுதாரர் அமெரிக்காவிற்கு இடம் பெயர்ந்தார் மற்றும் அவரது குடும்பத்தினருடன் எச்1பி விசாவில் வசித்து வருவதாக அவர் கூறினார். ஜனவரி 1, 2020 அன்று, நியூயார்க்கில் உள்ள இந்திய துணைத் தூதரகம் முன் பயண நிறுவனம் மூலம் தனது பாஸ்போர்ட்டை புதுப்பிக்க விண்ணப்பித்திருந்தார். ஜூலை 17 ம் தேதி, பிராந்திய பாஸ்போர்ட் அலுவலகம் அவருக்கு எதிராக ஒரு குற்றவியல் வழக்கு நிலுவையில் இருப்பதாகக் கூறி மத்திய புலனாய்வுப் பிரிவிலிருந்து (சிபிஐ) ஒரு கடிதம் வந்ததாக அறிவித்தது. தனக்கு எதிராக நிலுவையில் உள்ள எந்தவொரு குற்றவியல் வழக்கை பற்றி தனக்கு எதுவும் தெரியாது என்றும், அவர் 2002 முதல் வெளிநாட்டில் வசித்து வருவதாகவும் மனுதாரர் பதிலளித்தார். தனக்கு எதிராக நிலுவையில் இருப்பதாகக் கூறப்படும் குற்றவியல் வழக்கின் விவரங்களை அறிய இந்தியாவுக்கு செல்வதற்கு தற்காலிக பாஸ்போர்ட் வழங்குமாறு பிராந்திய பாஸ்போர்ட் அலுவலகத்தை அவர் கேட்டுக்கொண்டார்.
பிராந்திய பாஸ்போர்ட் அலுவலகத்தால் எந்த பதிலும் இல்லை என்பதால், மனுதாரர் உயர் நீதிமன்றத்தை அணுகினார். தனது பாஸ்போர்ட்டை புதுப்பிக்க ஜனவரி 22 தேதியிட்ட தனது விண்ணப்பத்தை அனுமதிக்குமாறு அதிகாரிகளிடம் உத்தரவு கோரி மனுதாரர் கர்நாடக உயர்நீதிமன்றத்தில் மனுதாக்கல் செய்தார்.மனுவை விசாரித்த நீதிபதி ஹேமந்த் சந்தங்கவுதரின் அமர்வு, “பாஸ்போர்ட் சட்டத்தின் பிரிவு 6 (2) (எஃப்) பாஸ்போர்ட் சட்டம், இந்தியாவில் விண்ணப்பதாரருக்கு எதிராக ஒரு குற்றவியல் நடவடிக்கை நிலுவையில் இருந்தால், எந்தவொரு வெளிநாட்டிற்கும் செல்வதற்கு பாஸ்போர்ட் அல்லது பயண ஆவணத்தை வழங்க பாஸ்போர்ட் அதிகாரம் மறுக்கும் என்பதைக் குறிக்கிறது. இருப்பினும், இந்தியாவுக்கு திரும்பிச் செல்ல விரும்பும் ஒருவருக்கு பாஸ்போர்ட் வழங்க மறுப்பதற்கு இந்த விதிமுறை தெரிவிக்கவில்லை. எனவே, இந்த விதி ஒரு புதிய பாஸ்போர்ட்டை வழங்குவதற்கு மட்டுமே பொருந்தும் என்பதை குறிக்கிறது பாஸ்போர்ட்டை புதுப்பிப்பதற்காக அல்ல. ” என்று அமர்வு தெரிவித்தது.
மனுதாரருக்கு நீதித்துறை மாஜிஸ்திரேட் வழங்கிய சம்மன் அல்லது அவருக்கு எதிரான குற்றவியல் வழக்கின் நிலுவையில் இருப்பதைப் பற்றி அதிகாரிகள் தெரிவிக்கும் எந்த அறிவிப்பும் வழங்கப்படவில்லை. அதற்கு எந்த ஆவணமும் இல்லை என்பதையும் நீதிமன்றம் கணக்கில் எடுத்துக்கொண்டது. மனுவை அனுமதித்த அமர்வு ,ரூ.5 லட்சம் வங்கி உத்தரவாதம் அளித்தால் மட்டுமே மனுதாரரின் பாஸ்போர்ட்டை ஒன்பது மாதங்களுக்கு புதுப்பிக்க அதிகாரிகளுக்கு உத்தரவிட்டது.
